19:59:00
the only thing better than love is freedom
موعد مع السعادة
سؤال يتردد فى داخلى و يصيبنى برجفة شديدة، تهزنى حتى الأعماق، و تزلزل كيانى المتواضع ، ترى متى يكون موعدى مع السعادة؟
فعندما أرى أمى تبكى حزنا على والدها الحبيب و تموت قهرا على ما فعلته بها الأيام الكئيبة المظلمة من المآسى أحس بالحزن يغلف روحى و يغلق قلبى ضد أى محاولة للإقتراب منه، فدموعها تشعرنى بالخجل من نفسى لعدم قدرتى على إيقافها ،فهذه المرأه فعلت و لا زالت تفعل الكثير من أجلى ، ثم أرى أبى هذا الرجل الصلب دائما الذى تكره الشدائد أن تتحداه و تواجهه يغالب دموع عيناه و يحبسها كبرياؤه كى لا تسيل على وجهه ،ثم يحرره أخيرا عندما يكون وحيدا يبكى على حاضر مؤلم للغاية و أجد نفسى قليلة الحيلة و أكره نفسى أكثر و اكثر لعدم قدرتى على مساعدته و التخفيف عنه ، ثم ارى فى عينى أعز صديقاتى و أقربهم إلى قلبى نظرة فرح و شماتة في ، أحس بأن أحدا قد غرز فى صدرى سكينا ممزوجة بالسم و أخذ يطعننى بلا رحمة و لا هوادة ، ثم أرى مصر و أتذكر كم كانت رائعة وطنا و شعبا و أرضا و تاريخا و موقفا،و أبكى ....أبكى وطن عزيز وكرامة غالية و مستفبل أمة و قيمة إنسان يتحسر على وطنه ، بعد كل هذه المواقف كيف من المفترض أن أشعر بالأمان و الحب مرة أخرى ؟!كيف من المفترض أن أثق بنفسى و من حولى ؟!"لكل مننا موعده مع السعادة" أنا أؤمن كثيرا بهذه المقولة و لكن موعدى لم يحن بعد ،موعدى يا موعدى أنتظرك بفارغ الصبر و أتحرق شوقا إليك و لكنىأريدك أيتها السعادة أن تحددى موعدك مع هؤلاء أمى و أبى و بلدى ، أرجو منك أن تمنحيهم شرف الإحساس بك و أنا على يقين بأنهم يستحقون هذا الموعد و ينتظرونه بشوق جل ما أريده أن أرى أبى و امى يتكيفان مع الحياة و يحاولان أن يختطفا من الزمان لحظات سعادة قصيرة تنسيهما ما لقيا من أهوال الحياة ،ثم أريد أن أرى مصر التى طالما قرأت عنها فى كتب التاريخ ،و أخيرا أريد أن أرى السعادة فى مرآتى دون قلق أو خوف مما يحمله المستقبل فى طياته ، أريد أن يرى من حولى الجمال بداخلى الذى أؤمن أن كل مننا يمتلكه ، أريد أن أحب نفسى و أرسم البسمة على شفاه كل من يستحقها
أريد .....موعدا مع السعادة
Posted in
Subscribe to:
Post Comments (Atom)
39 Response to " "
السلام عليكم ازيك يا همباكاوي
ليه بس نبرة الحزن دي؟؟كلنا بنمر باوقات حزينة واوقات سعادة دوام الحال من المحال
يعني انا مثلا لو تسأليني اقولك سعيد جدا لمجرد ان ربنا شفاني من مرض كان مضايقني جدا وعرفت اد ايه قيمة ان يبقي معاكي صحة وجسم سليم
وعارفة السعادة في القلب
والقلب بين يدي الله يقلبه كيف يشاء
فالسعادة انك توصلي القلب باللي خلقه
يبقي مرتااااااااااح
وتحيااااااااااااتي
فكيها يا شيخة هتروق ان شاء الله
وما نيل المقانق بالسفندي ولكن حبسكي عليها الكلابا
ليه بس الزعل ده؟؟؟
موووت؟؟؟ سنة الحياة ...لكنا هنموت يا ريس وانتي أولنا برصاصة طايشة
شدائد؟؟؟
ولقد خلقنا الانسان في كبد
والآية التانية بتقول
الذي خلق الموت والحياة ليبلوكم ...ابتلاءات يا ريس وشوف مين هيقدر يصبر ومين هيصمد ومين هيكمل ومش هيمل من التحدي
مصر؟؟؟
طول ما احنا مصممين نغيرها ...هتتغير ...بس ربنا يشوف مننا التغير في نفسنا الأول
إن الله لا يغير ما بقوم حتى يغيروا ما بأنفسهم
البوست شديد ولو إنه قصير ... بس ملموس عندنا كلنا
ممكن تحديديلى ميعاد انا كمان مع السعادة
ناس كتير تقولك السعادة تنبع من الداخل طيب مهو الخارج و العالم اللى حوالينا زى الفل صراحة هتيجى السعادة من فين باه
اتمنالك السعادة انتى و العائلة كلها
بوست راائع
حبة صراحة ولا اخاف
لا مش هخاف لان العلاقه بينا فيها مساحه
للنصيحه والاختلاف
ولاني بعتبرني عندك مش بس اخت لا انا حضنك في اي وقت
فبلاه الخجل والكسوف والخوف
بعتبرهم رجعيه وتخلف في العلاقات
نروح لأخر مشهد حضرتوا معاكي
وكان ميعاد للسعاده رفضه الكل
وقلبت بكا ونكد وطبطبه وشويه بدل مبروك معلش والفرحة بقت مأساه
احنا ملنا بالبره اجوانهم عمله ازاي
وبعدين نرجع نلاقي اجوان لينا كانت مستخبيه
بزمتك مش بنضيع مننا احاسيس حلوه قوي
ما روحناش ميعادنا مع السعاده ليييييييييييييه؟؟؟؟؟؟؟؟؟
وبنظريه نص الكبايه المليانه بقولي الكلام دا ليا قبلك
جدوا غرقنا جميعا في حنانه وكلامه الجميل وافعاله الاكثر تأثير ..كتير سنين وسنين
معاكي الحرمان منه صعب لكن احنا اخدنا من المتعه بوجوده كتير ولازم هيمشي وكلنا هنمشي ليه نقلبها تعاسه
مش كفايا منه انه كان بجد حد مثال وقدوة في اخلاقه وثقافته ومكانته المرموقه ودا يساوي ذكره حلو ليه نقلبها ضلمه ليه اذا كان مشي فبردو ساب
والموضوع الاخير الي بيبكي بابا هسيبك انتي تعددي في مميزاته بين الكبار
وخلي بالك بردوا بدأ يخلص ويبقي ذكري
مفيش حاجة بتفضل حتي الهموم ليها فرج ونهايه
وغيره وغيره
هسيبك مع حاجه لذيذه
لما بتقفل لينا الحياه باب سعاده
بتفتح غيره لكن حزننا علي الماضي بيضيع مننا الاحساس بالسعاده القادمه
فكري هتلاقي كل يوم ليه جديده
والسعاده احساس انتي اقدر من تجودي به علي نفسك لو أحسنتي التعامل مع حزنك هيكون بداخل الاحساس بالحزن خيط سعاده رفيع انا عرفاه
بصي يا منو عيزه اقول حاجه
الصراحه دي اقوي ترمومتر علي صفاء العلاقات
لو قربتنا نبقي فعلا بجد
ولو بعدتنا عن بعضنا
بيبقي الموضوع برفانات
وانا شيفاه بجد عشان كد بقلك خليلك وجهة نظر خاصه دائما
لانك حد عميق بيعرف يوصل لوحده
مش محتاج وصايه من حد
ممكن بقولك نقط بس عرفه انك بشويه تركيز هتفهميني
بحبك يا رقه
بعض الحجارة كالشموس
يغيب حينا ضوئها
حتى اذا سقطت قلاع الليل ... وانكسر الدجى
جاء الضياء مغردا
سيظل شيئ في ضمير الكون يشعرني
بان الصبح آت موعده غدا
ليعود فجر النيل من حيث ابتدا
_ _ _ _ _ _ _ _ _ _ _ _ _ _ _ _ _ _
اسلوبك رائع في الكتابه بجد
بس الانسان لو عاش في سعادة دائمة والناس من حواليه ملايكة هتفقد كل شيئ طعمه
يعني لاازم ندوق الحزن علشان نعرف طعم السعادة وان كانت لحظات قليلة
ولازم نقابل العدو وصديق المصلحه علشان ندور عالصاحب اللي بجد ونعرف قيمته
وبعدين مفهوم السعادة بيختلف من شخص لاخر
السعادة الحقيقية فى الرضا بما قسمه الله عزوجل
وقال الله تعالى في الحديث القدسي :
( عـبدي خلقتك لعبادتي فلا تلعب ، وقسمت لك رزقك فلا تتعب ، إن قلّ فلا تحزن، وإن كثر فلا تفرح ... إن أنت رضيت بما قسمته لك أرحت بدنك وعقلك وكنت عندي محمودا ... وإن لم ترض بما قسمته لك أتعبت بدنك وعقلك وكنت عندي مذموماً ... وعزتي وجلالي لأسلطنّ عليك الدنيا ، تركض فيها ركض الوحوش في الفلاة ، ولا تصيب منها إلا ما كتبته لك )
فالنسان يعيش راضي بقضاء الله وعارف ان سعادته شيئ بايد ربنا سبحانه وتعالى ولازم هيقابلها وان قابله الحزن كتير
وبعدين كل شخص في الحياة بيأدي رسالته وبيمشى وكل شخص ليه رساله حتى ولو كانت انه يضايق الناس لكن الفرق في الذكرى الطيبه اللي بيسيبها النسان للاشخاص اللي كانوا بيحبوه
اما بالنسبه للاشخاص اللي بيحبوه فلا يملكوا الا الدعاء بالرحمة
والصديق اللي يشمت في احزان صديقة فاعتقد ان هذا لا يصلح لان يكون من المعارف اساسا فضلا عن كونه صديق
واعتقد انه كان اختيار خاطئ من البداية ولو دورتي كويس هتلاقي الصديق اللي بجد
مين اللي قال انك متقدريش تخففي عن والدك الحزن
بالعكس ممكن كلمه بسيطة وضحكة صغيره تحسسيه انه كل حاجه ليكي في الدنيا وانه مهما خسر فهو عنده بنته
ولازم النسان يحاول يخفف من احزان الاشخاص اللي بيحبهم
جايز اكون مش عارف الظروف بس فعلا كلمة بسيطة ممكن تخفف احزان كتيره وبوسة ايد الاب دي بتفرحه جدا
وعلى العموم حاولي
اما بالنسبه لمصر بقى
فربنا يتولاها وماينفعش يتقال عنها حاجة وحسبي الله ونعم الوكيل
حسبي الله ونعم الوكيل
حسبي الله ونعم الوكيل
كلنا نريد موعدا مع السعاده
بوست هايل وجميل بجد مؤثر جدا وحساس
موعد مع السعادة
مش عارفة و الله احنا اللى كئيبين
وللا المعاد ده اللى بيشوف قوة تحملنا ايه
عموما ربنا يصبر ماما و ينصر بابا
اما عن مصر فماينفعش ترجع زى زمان فدورى على احلى حاجة موجودة فيها دلوقتى و اتعودى عليها و لو بايديك تغيرى الحاجات البسيطة اللى حواليك غيريها
اما عن معادك للسعادة فماتقعديش مستنياه و اضحكى عليه و اعمليلك انت معاد فى كل يوم تعيشيه لان انا عارفة انك لو استنيت اى معاد عمره ما هيجى من نفسه
و تحياتى ليكى
walahe w ana kaman nefse feh :D
3andek 7a2 .. bet7ese be 2e7sas re5em w me3afen lama betshofe waldetek 2aw waldek bey3ayat ..
w masr....kant 2a7la keter ..bazet le2asbab 2aktaaaar
ala na3neshe w shele nazret 2l 7ozn 2lle fe 3eyon nos sha3b masr
w 2atmana tezore our blog
"http://feelingsclub.blogspot.com/"
bye bye
مصراوى أوى
و عليكم السلام الله يخليك أنا الحمد لله كويسة
و الله الحزن بقى شئ طبيعى أوى
بس و الله مكنتش أعرف حكاية المرض دى الحمد لله إن سيادتك خفيت
يا سيدى أنا معاك بس الحياة أقوى من البشر بكتير و اللى مش قلدر يفهمها يا بيتجنن يا بيموت من اليأس و شكلى كدة من اليأسين يللا ربنا يستر
حاضر و الله هفكها بس لما تروق بجد
سكايااااااااااااار
إنت بوظت الشعر خالص
أنا برده اللى هموت برصاصة طايشة ربنا يسامحك إلهى يارب واحد إرهابى يقابلك على الطيارة و ياخدك رهينة و نخلص هههههههههههههه
يا سيدى كل الحكاية إن أنا بعبر عن حالة بتمسنى أنا و اللى حوالية بلا إستثناء كل اللى عملته إنى قلت الحقيقة اللى أنا حاسة بيها
عموما تروح و ترجع بألف سلامة و تشرفنا عند الخواجات إن شاء الله
ما علينا
يا مراحب يادى النور وحشانى و الله عاملة إية أنا عارفاكى مطحونة فى الشغل ربنا يكون فى عونك
من عنية حددى الميعاد اللى إنتى عايزاه بس إبقى قابلينى لو السعادة جت فى الميعاد هههههههههههههه
ربنا يخليكى كلك زوق و رقةو البوست رائع بس علشان إنتى قريتيه ههههههههههههههه
الخيط الرفيع
بلا صراحة بلا بتاع أنا مخاصماكى يا ندلة و إنتى عارفة ليه المهم
أنا مرحتش معادى مع السعادة لأننى مستحقهاش يا رفيدة خلاص أنا ذاكرت و كنت بقفل المواد فى الدروس و فى الأخر نقصت كتير برده معادتش تفرق سينا من سونيا
أما جدو الله يرحمه عمره ماكان شخص طبيعى بالنسبة لى بالعكس دة كان من مصادر سعادتى و إحساسى إنى فى يوم من الأيام ممكن ألاقى واحد زى جدو أحترمه و مش معنى إنى دموعى اللى على وشى جفت يبقى الحزن راح أو إتنسى بالعكس
اللى مصبرنى يا روفى إنى عارفة هو كان محترم قد إيه و حاسة إن مكانه الجنة مع تيتا بيتهيئلى أن الأوان يعيش سعيدبعد ماأسعد اللى حواليه كتير ربنا يسامحك يا شيخة قلبتى عليا المواجع
على فكرة لما إتكلمت على إن بابى زعلان مكانش قصدى الموضوع الللى فى بالك بس لأ كان قصدى حاجات كتير تانية إنتى متعرفيهاش
المهم لو إنتى شايفة إن أنا جوايا خيط من السعادة فأنا حاسة إن الزمن بيقطعه و شكله هيرميه فى الزبالة
الخيط الرفيع برده
والله يا ستى الصراحة حلوة بس أنا مش كل الكلام اللى قلتيه دة يا نهار أسود
ما هو العمق دة هو اللى مودينى فى داهية ربنا يخليك يا أبو سامية
رومانتيكا
يادى النور يادى النور
ربنا يخليك يا أستاذ
أنا معاك إن السعادة فى الرضا بس أنا بتكلم على إن السعادة لما بتجينى الظرو ف اللى حواليا بتقلبها تعاسة و هم و إكتئاب بعيد عنك
رومانتيكا تانى
عندك حق بس أنا حاسة إن اللى حواليا يستحقوا عيشة أحلى منكدة بكتير خصوصا نفسيا نفسى يبقوا مبسوطين و مرتاحين لأنهم تعبوا كتير و مش منتظرين أى حاجة كويسة تحصل قريب بس هى دى كل الحكاية
عارف صاحبتى دى أول ماأخد القرار إنى أسيبها توم تعمل معايا حركة جدعنة و ساعتها بقول مش مهم يا همبكاوى سامحيها
حاضر يا سيدى هعمل الللا بتقول عليه أكيد هيجيب نتيجة
و معتش بقى هتكلم عن المصر الكلام مش بيودى و لا يجيب معتش جايب همه
متشكرة أوى يا أستاذ رومانتيكا على التعليق الجميل دة
سندريللا
الله يخليكى يا ملكة الرقةبس الكلام دة كتير عليا فعلا
sa7’so7’te
أهلا بيكى لأول مرة فى بلوجتى
بصى هقولك على حاجة السعادة مش بتجيلنا عشان سببين الظروف المحيطة و الكآبة الناتجة عن الظروف المحيطة برده
و الله هحاول أعمل الإقتراح بتاعك دة يمكن يكون الدوا اللى إحتار فيه الفلاسفة
أشكر ذوقك و مجاملتك اللطيفةو يارب أكون على المستوى المطلوب
shodshod
أهلا وسهلا منورة فعلا بيبقى إحساس بايخ لما تشوفى حد بتحبيه أوى بيعيط كدة و زعلان من الدنيا و من نفسه بس أهو هى الحياةكدة
حاضر ياستى هيشيل نظرة الحزن بس أما ألا قى سبب قوى يخلينى أشيلها
صدقيني انا اتاثرت اوي ب البوست ده
و الله حاجه تحزن بس هنعمل ايه
مهو مينفعش نقعد نبكي على طول
ربنا يصبرنتا و يفرح قلوبنا يا رب
ولو لقيتي ميعاد قليلي اجي معاكي :)
srry hambakawe
but its shodshod for " shady"
:D
we ma2bola elmarrade :D
أنا اتأخرت قوي
بس مش في حالة دلوقتي أتكلم
ربنا يكعبلك في السعادة يا مانووو
وكلنا كذلك
وحشاااااني بجد
لما تيجي بلد الغلابة عدي علينا
أشوفك بخيييييييييير
مش عارف ليه جاني احساس بالفخر بيكي رغم الكلام المؤلم اللي مكتوب ده
بس فعلا
انتي تستحقي من السعادة الكثير والكثير
لامتلاكك الشعور النبيل الطيب ده
ناحية بلدك واهلك
وانشاء الله يتحقق لك الموعد
مادمتي مؤمنة بوجودة
سلامي ليكي ولعقلك وقلبك الجميلين
إرتعاشااااااااااااات
يا أهلا وسهلا يادى النور
السعادة هى دواء صعب المنال قادر على حل كل مشاكلنا
الإنسان لما بيبقى سعيد بتبقى نفسه مفتوحة على الدنيا و الشغل و بيبذل كل ما فى وسعه ليجعل الأخرين سعداء و منتعشين مثله
و الله أول ما أشوفها الست سعادةهقولها تحجزلك ميعاد معايا بس للأسف كل ما أسئل عليها ألاقيها مش موجودة
shod shod
أنا أسفة و الله ما أخدت بالى
جل من لا يسهو يا أخى و على فكرة همبكاوى بالواى مش بالإى
هههههههههههههههه
حلاااااااااوة العنتبلى
ربنا يخليك يا دكتور وربنا يوفقك فى الإمتحانات إن شاء الله
أحمد سلامة
إيه دة ؟الكلام الكبير دة عليا؟
دة من بعض ما عندكم يا أستاذ بس أنا مستحقش الكلام الجميل دة كل اللى بعمله إنى بوصف الواقع اللى عقلى شايفه و قلبى حاسس بيه
ايه يا ماما كنت هعيط
يا جماعه خودوا الدنيا ايزي ولذيذي
ماحدّش واخد منها حاجه
دحتا عليها ضيوف
خليكوا خفاف
كـل رمضان وانتى بخير
ربنا يبغلك رمـضان يااااارب آمـــــين
كل سنه وانت طيبه ورمضان كريم
ومتهيألي رمضان فرصه وموعد سعاده لينا بقربنا من ربنا
ربنا يرزقنا الهدايه جميعا والصلاح
ولو كل واحد طبق قاعدة "يومك يومك"
بدون البكاء على الأمس أو القلق والانشغال بالغد
,ونحاول نقضي اليوم اللي احنا عايشينو بأفضل شكل ونتعامل مع مشاكله بذهن صافي من شوائب امبارح ومشاغل بكره, الحياه هتكون أكثر سلاسه واستقرار
,معلش لو كنت طولت عليكي
وكل سنه وانتي طيبه مره تانيه
هيه هتفرق انتى شايفه السعاده ازاى
شايفاه راحه ف دنيا و عيشه سهله و لا ناس بتحبك و عايشه وسطهم ولا راحه بال و لا ايه بالظبط ... ده اولا
ثانيا بقى بوجهه نظر متواضعه جدا و مش هتلاقى احسن منها لانها متواضعه زى ما قلت جدا اى حاجهه عايزينها هاسال نفسى انا عملت ايه علشان احصل عليها او استاهلها
اللى عايز حاجه لازم يقدم حاجه علشان يحصل عليها والا هتبقى مش من حقه و ممكن تبقى ساعتها نقمه الناس بتكرهه علشانها لانهم شايفين انه مش يستاهلها
السعاده احنا اللى بنعملها
تحياتى
ente feeeeeeeeeeeeeeeen
ba2alek keteeeeeeeeeeeeeeeeeeeeer mesh fe elblog leh
السعادة المطلقة مجرد حلم
دايما سعادتنا فيها شوية مشاكل
احنا بنى ادميين عايشين ف الدنيا
بس الحمد لله ربنا خلقلنا حاجات كتير وناس جنبنا بتخفف عنا كتير
واللى ربنا يرزقه الصبر والايمان الحقيقي بيقى احسن سلوان ف الدنيا
رأيتك يا مصر جسما نحيلا
فأين الجمال و أين البهاء؟
و أين ثيابك عند الربيع
و أين عبيرك ملء الفضاء ؟
سلبناك كل الذى تملكين
سرقنا النذور قتلنا الحياء
ظلمناك دهرا تركناك نهبا
لليل السجون و ذل الغباء
...فاروق جويدة
الابيات دى اول مرة اقراها
واتأثرت بيها اوى ودمعت كمان
الله يسامحك
انا علقت هنا من حوالي خمسين يوم تقريبا
فييييييييييييييييييينك
؟؟؟؟؟؟؟!!!!!!!!!!!
شركة مكافحة حشرات بالدمام
شركة تسليك مجاري بالدمام
شركة المثالية للتنظيف
شركة المثالية لتنظيف المنازل
شركة المثالية لتنظيف المنازل بالدمام
شركة المثالية للتنظيف بالدمام
شركة تنظيف بالقطيف
شركة تنظيف منازل بالقطيف
Post a Comment