19:59:00
the only thing better than love is freedom
موعد مع السعادة
سؤال يتردد فى داخلى و يصيبنى برجفة شديدة، تهزنى حتى الأعماق، و تزلزل كيانى المتواضع ، ترى متى يكون موعدى مع السعادة؟
فعندما أرى أمى تبكى حزنا على والدها الحبيب و تموت قهرا على ما فعلته بها الأيام الكئيبة المظلمة من المآسى أحس بالحزن يغلف روحى و يغلق قلبى ضد أى محاولة للإقتراب منه، فدموعها تشعرنى بالخجل من نفسى لعدم قدرتى على إيقافها ،فهذه المرأه فعلت و لا زالت تفعل الكثير من أجلى ، ثم أرى أبى هذا الرجل الصلب دائما الذى تكره الشدائد أن تتحداه و تواجهه يغالب دموع عيناه و يحبسها كبرياؤه كى لا تسيل على وجهه ،ثم يحرره أخيرا عندما يكون وحيدا يبكى على حاضر مؤلم للغاية و أجد نفسى قليلة الحيلة و أكره نفسى أكثر و اكثر لعدم قدرتى على مساعدته و التخفيف عنه ، ثم ارى فى عينى أعز صديقاتى و أقربهم إلى قلبى نظرة فرح و شماتة في ، أحس بأن أحدا قد غرز فى صدرى سكينا ممزوجة بالسم و أخذ يطعننى بلا رحمة و لا هوادة ، ثم أرى مصر و أتذكر كم كانت رائعة وطنا و شعبا و أرضا و تاريخا و موقفا،و أبكى ....أبكى وطن عزيز وكرامة غالية و مستفبل أمة و قيمة إنسان يتحسر على وطنه ، بعد كل هذه المواقف كيف من المفترض أن أشعر بالأمان و الحب مرة أخرى ؟!كيف من المفترض أن أثق بنفسى و من حولى ؟!"لكل مننا موعده مع السعادة" أنا أؤمن كثيرا بهذه المقولة و لكن موعدى لم يحن بعد ،موعدى يا موعدى أنتظرك بفارغ الصبر و أتحرق شوقا إليك و لكنىأريدك أيتها السعادة أن تحددى موعدك مع هؤلاء أمى و أبى و بلدى ، أرجو منك أن تمنحيهم شرف الإحساس بك و أنا على يقين بأنهم يستحقون هذا الموعد و ينتظرونه بشوق جل ما أريده أن أرى أبى و امى يتكيفان مع الحياة و يحاولان أن يختطفا من الزمان لحظات سعادة قصيرة تنسيهما ما لقيا من أهوال الحياة ،ثم أريد أن أرى مصر التى طالما قرأت عنها فى كتب التاريخ ،و أخيرا أريد أن أرى السعادة فى مرآتى دون قلق أو خوف مما يحمله المستقبل فى طياته ، أريد أن يرى من حولى الجمال بداخلى الذى أؤمن أن كل مننا يمتلكه ، أريد أن أحب نفسى و أرسم البسمة على شفاه كل من يستحقها
أريد .....موعدا مع السعادة
Posted in
00:43:00
the only thing better than love is freedom
السياسة ليها ناسها
قومى فزى ياااااااا بت
إيه دة بابى مش بيصحينى كدة ، يمكن أخويابس صوته مش غبى كدة بطل غلاسة و سبنى أنام،(إنت هتستعبطى يا بت )يا أخى بطل الرزالة اللى فى دمك دى و سبنى فى حالى ،(قومى يا بت بدل ما ألطشلك )،طيييييييييييب اسلقى وعدك بقى يا........إية دة أنت مين ،(أنا بوليس يا حلوة )، و البوليس عايز منى إيه دة أنا بحب مصر و فى عيد الشرطة بصحى من النوم الفجر أفتش البيت و أضرب نفسى قلمين و أنام تانى،(الولد اللى اسمه سكايار أعترف عليكى هههههههها) ،يا لهههههههههههههوى أة يا سكايار يا......إما وريتك أما أشوفه بس هطلع عينه إنت بتصدق كلام واحد زى دة ياباشا دة الدكاترة نصحوه يقعد فى المستشفى بس هو رفض لمؤاخذة أصل عقله خفيف شوية ،(خلاص يا حلوة هتيجى معانا مفيش فايدة)،س:اسم مدونتك؟
مش من حقى أتكلم إلا فى وجود المحامى بتاعى،هههههه (وكمان عايزة محامى دة أنت نهايتك على ايدى إنهاردة يا بت) ،اسمها همبكاوى0
س: هل فكرت فى إغلاق مدونتك و السبب؟
هو أنا هعرف أكتر من الحكومة يا باشا ،( ردى يا بت من غير لماضة) طرااااااااااخ ،أيوة يا باشا فكرت لما لقيت واحد كاتب موضوع عن الكمال و كان فوق الرائع فحسيت إنى عيلة بالنسبة له فى الكتابة ०
س:صورتك فى المدونة و رمزيتها؟
أنا مش حاطة صورة ،بس كنت هحط صورة لشروق فيه ضباب يعنى الحياة فى مصر
س:لماذا دخلت عالم التدوين ؟
دى كانت شورة مهببة من كائن نورانى،دى بقى يا باشا بت شيوعية بس متخفية ، عموما حسيت إنها أحسن طريقة ممكن توضح رأى ناس مختلفة فيا ،مش محتاجين يجاملونى لأنهم ميعرفونيش0
س: جملة قيلت فى وصف مدونتك ؟
بموت فى رقتك،اللى قالتهالى الخيط الرفيعوع الكلمة دى أثرت فيا أوى لأنى عمرى ما حسيت إنى رقيقة
س:أحلى بوست كتبته؟ ولماذا؟
الوحدة ،لأنه بيعبر عنى أصدق تعبير، هى دى أنا كائن منعزل نفسيا و فكريا عن بيئته0
س:أحلى بوست قرأته؟
دواير،للجحيم هو الحقيقة و بخاف....ولكن لسكايار،وشمس المغيب لبقايا انسان،وشفرة هلامية لحلاوة ،محض خيال للرائعة محض روح و ايجبشن حلال و حرام لمستكنيص0
س:حد قل أدبه عليك فى التعليق ،إيه رد فعلك؟
مين اللى قلبه جامد دة اللى يقدر يقل أدبه عليا،و اللى أهله مربوهوش ييجى لهمبكاوى و هو يربيه0
س:أسوأمدونة؟
واحدة بتحب روبى أوى ربنا يوفقها
س:هيحصل إيه لأيميلك لما تموتى؟
و أنا ايش عرفنى هكون مت خلاص (،إنت هتعملى فيها حفليطة طب خدى يا بت) طرررررررررراخ0
س:أديت الباس وورد لحد قبل كدة ؟
لكائن نورانى و الخيط الرفيع0
س:طبيعة علاقتك بيه؟
لووووووز لووووز بديهم على قفاهم كل يوم الصبح ههههههه،( وكمان ليكى نفس تضحكى )طرررااااخ ، أشوف فيك يوم يا سكااااااااايار0
س:إسمك المشهور بيه وسط أصحابك؟
ميما
س:شخصيتك نوعها ايه؟
كتان من غير زراير
س: السفر بالنسبة لك؟
هروب مؤقت من الواقع البشع
س:وقت فراغك؟
بقرأ لفاروق جويدة ورجل المستحيل و هارى بوتر و هيكل طبعا ،( وكمان ناصرية طرااااااخ)0
س:مودك ايه؟
هى دى الحياة ضحكتين و أه0
س:الأكلة المفضلة؟
حواوشى
س:الصفات اللى من بابا؟
العصبية و الصوت العالى و عدم السكوت عن حقى والقلب الأبيض ودايما يقولى أنا ليبرالى علشان عايز مصلحة مصر0
س:الصفات اللى من ماما؟
حب القراءة و الإطلاع والنظرة التأملية للحياة و حبى الرهيب للنادى الأهلى0
س: أكتر ست حاجات بحبها؟
أحب أعيش و لو فى هيئة نبات0
س:أمرمطه لمين؟
لكائن نورانى الشيوعية هههههه وبقايا انسان الرقيقة وعاشك الروح و سندريلا الجميلة0
أما الأستاذ سكاياردة أخ عزيز علينا كلنا آلهى أشوفك متشحتف و يدوس عليك أتوبيس سياحى أنا عارفه يقطعك حتت0
Posted in
Subscribe to:
Posts (Atom)
